Ministrja e Financave dhe Ekonomisë në Republikën e Shqipërisë, Delina Ibrahimaj, ka deklaruar se ekonomia shqiptare ka parë një rritje gjatë 3-mujorit të tretë të vitit.
Sipas saj, rritja ka vijuar duke përcjellë një efekt pozitiv te treguesit makro-ekonomikë.
“Ndërthurja e të gjitha politikave së bashku me mbështetjen ka sjellë që deri tani ekonomia shqiptare të ketë një performancë pozitive dhe inflacioni të jetë i kontrolluar”.
Për Ibrahimajn ndikim në këtë rritje ka pasur mbështetja e familjeve në nevojë me subvencione, dhe ngritja e bordeve të ndryshme.
“Jemi kujdesur që asnjë familje shqiptare të mos e ndej efektin e rritjes së çmimit të energjisë”.
Ministrja theksoi se inflacioni edhe pse në rritje mbetet i kontrolluar.
Ajo njoftoi se inflacioni për muajin që lamë pas pësoi një rritje me 7.5%.
Sipas Ibrahimajt, inflacioni në Shqipëri është ndjeshëm më ulët se vendet e rajonit.
“Rritja më e madhe e çmimeve u vërejt në fushën e transportit dhe ushqimet e pijet alkoolike”, tha ministrja.
Po ashtu, ministrja ceku edhe ecurinë e importeve dhe eksporteve, ku të parat janë rritur me 24% dhe eksportet me 40%.
Ibrahimaj ravijëzoi se ka pasur edhe një rritje të numrit të vendeve të punës.
Gjatë muajit qershor vendet e punës arritën në 725 mijë e 572 duke u rritur me 15 mijë e 108 më shumë se vjet.
